அழகு என்னும் ஓர் அழகு !!

மீட்டும் விரல் அழகு,

உயிர் உருகும் யாழிசை ஓர் அழகு !

குவளைக் காதழகு,

அவள் இதழ் பதித்தாள் தேநீர்ச் சுவை அழகு !

பூப்பில் பெண் அழகு,

முந்திக் கொள்ளும் தாய்மை என்னும் பேரழகு !

மொளனம் ஓர் அழகு,

அதில் விழி பேசும் மொழி அழகு !

மழலை குறும்பு அழகு,

துயில்கையில் தும்பைப் பூ அழகு !

நித்திரையில் மதி அழகு, சொப்பணம் நூறழகு !

மழைக் கால முற்றங்களும்,

மணக் கோல தோரணங்களும் என்றும் அழகு !

நோய்க்கு மருந்தழகு,

 உறவின் கதகதப்பில் நோயும் ஓர் அழகு !

தனிமை ஓர் அழகு, தோள் சாய்ந்தால் ஈரழகு !

பால் குட நீர் அழகு, பசி என்றும் பேரழகு !

முதுமை முழு அழகு,

மழலை விரல் நனைத்தாள் கூடும் ஓர் அழகு !

நட்பென்னும் தேர் அழகு,

நின்றாலும் நகர்ந்தாலும் பேரழகு !

திருவிழாக் காலங்களும்,

திரி சங்கு மடங்களும் நினைத்தாலே அழகு !

வாழ்வை அழகாக்கும் காதல் என்னும் தீ அழகு !

கண்ணீர்த் துளி அழகு, காரணங்கள் ஒத்தி வைத்தாள் !

திருமணத் தோள் என்றும், துறவுக்கு முன் அழகு !

இரவின் நிறம் அழகு, நித்திரைக்குள் நிலவு அழகு !

தூரத்து ஊர் அழகு, மழைக் குடைக்குள் குளிர் அழகு !

கோப,தபங்களும் சிறு நேரம் தான் அழகு !

கடை விழி தனைத் தாண்டா காமமும் ஓர் அழகு !

தாய் என்னும் நிறைவு அழகு, தாரம் அது மீதி அழகு !

-      - சுந்தர்.ப